Stiv Jobs ham o‘z ishini ustaxonada boshlagan. Menda ham shunday tarix!

Marjan Dusaliyeva – an’anani zamonaviylik bilan uyg‘unlashtirgan “Korpe” brendining asoschisi. U o‘z faoliyatini juda oddiy sharoitda – atigi bitta tikuv mashinasi va uch dona gazlama bilan boshlagan.

Bugungi kunda Marjan ko‘rpacha, yostiq, appliqué (tikilgan naqshlar) hamda to‘qimachilik mahsulotlarini tayyorlab kelayotgan 31 yoshli tadbirkor sifatida tanilgan. Hozirda u qariyb 10 nafar xotin-qizni ish bilan ta’minlab, ularning barqaror daromad manbaiga ega bo‘lishiga hissa qo‘shmoqda.

Video: Hamroh - Xotin-qizlar tadbirkorligini qo‘llab-quvvatlash kompaniyasi

Vaqt o‘tishi bilan Marjan o‘z orzularini Hamroh kompaniyasi ko‘magida amalga oshirdi va ko‘rpacha san’atini yangi bosqichga olib chiqdi. Toshkent shahrida ochilgan yangi “Korpe” shourumi – bu shunchaki savdo nuqtasi emas, balki madaniyat bilan ilhomlanish, qadriyatlar bilan bog‘lanish makonidir.

Uning hikoyasi kichik imkoniyatlardan boshlangan katta yo‘lni ifodalaydi – mehnat, ishonch va qat’iyat orqali shakllangan tadbirkorlik yo‘li.

“Stiv Jobs ham o‘z ishini ustaxonada boshlagan. Menda ham shunday tarix!” – deydi Marjan Do‘salieva.