Tadbirkorimiz Umida Yusupova o‘z biznesini rivojlantirish va yanada kengaytirish yo‘lida navbatdagi muhim qadamni tashladi. Uning go‘zallik salonining yangi filiali ish boshladi.

Umidaning bugungi yutug‘i izchil rivojlanish, yangi bilimlarni o‘zlashtirish va mavjud imkoniyatlardan samarali foydalanish yo‘lidagi sa’y-harakatlarining davomidir. U WESP dasturi, Hamroh Biznes Maktabi hamda mentorlar uchun tashkil etilgan treningda tahsil olgan. Shuningdek, HAMROH kompaniyasining Uzum va Xalqaro migratsiya tashkiloti (IOM) bilan hamkorlikda amalga oshirilgan grant dasturlarida ishtirok etgan.

Foto: Hamroh - Xotin-qizlar tadbirkorligini qo‘llab-quvvatlash kompaniyasi

HAMROH uchun tadbirkor ayollarning yangi bilim va ko‘nikmalarni egallashi, o‘z biznesini kengaytirishi hamda yangi marralarni zabt etishini ko‘rish alohida ahamiyatga ega. Chunki har bir yangi filial — bu nafaqat biznes rivojining navbatdagi bosqichi, balki tadbirkorning o‘z salohiyatiga bo‘lgan ishonchi va kelajak sari intilishining ham ifodasidir.

Umidani ushbu quvonchli yutug‘i bilan samimiy tabriklaymiz! Unga kelgusi faoliyatida barqaror o‘sish, yangi imkoniyatlar va yanada katta muvaffaqiyatlar tilaymiz!